由邓显转校到保良局马锦明 升留班问题
- 培训职业
- 2025-05-07 02:36:11
1.最主要睇佢有冇位，依家有好多内地生插班黎北区争位。内地生一般成绩好，d学校好受佢地。好似邓显甲寅唔会收，所以佢地会去d二线band1or band2头。马锦明未必会收你。 2.唔会留班，平均分合格 3.留系邓显。以你中二三ge成绩睇，你唔差。可以系邓显考到中等位置，已经很不错。唔驶因为依家考得唔好放弃，你又唔系就要考公开试，仲有两年。有好多人考会考前一个月都可以咸鱼翻身，何况你有2年几？系邓显辛苦都系因为老师会局你读书，但系冇人局你读你一定hea。你都系因为名次低想走，到咗第d学校你名次升番，但其实实力系冇变。到时你因为自己名次唔低，唔尴尬，所以很容易hea，成绩可能更低。况且，就算第d学校唔辛苦，一样唔会令你有学习兴趣ga.... 4.马锦明只系部份英文班，具体边d班系就唔清楚 5.风采都唔错，部份英文班。依家ge中一已经系全英。同学纯良，只系某d校规过胶 廖万石都可以，相对风采易入一点，课外活动好，d人读得开心。 两间都系会进步ge学校 其实最紧要系睇你系邓显读得开唔开心 而你有冇同同校ge朋友商量过？ 佢地ge支持系好重要！ : )
如果我系你既话，我会转校lor 我有个打网球既同学都系读邓显，我问过佢，佢话难读架 马锦明系北区第七间，你照理应该入到去既 五十三分呀......band1中学算中等架啦..睇下你入边班lor 马锦明有英文班既......不过唔系全开英文班 北区除左邓显、甲寅之外，陈融、李嘉诚、田家炳都得既....不过成功机率会低d...风采虽然唔系全开英文班，但系校风唔错架...... p.s.本人强烈不建议入田家炳，学生d品行劲差(包括搭巴士唔行入车厢较入位置，食烟仔等，本人不是听别人说，而是本人亲眼看到)(因本人住左北区....)
参考: 自己
多重随机标签